سیستان و بلوچستان میں اہل سنت علماء کا قتل شیعہ سنی اتحاد کمزور کرنے کی کوشش ہے

شیعیت نیوز : ایران کے صوبہ سیستان و بلوچستان میں اہل سنت علماء اور مقامی معتمد شخصیات کے پے در پے قتل کو ایک تجزیاتی رپورٹ میں علاقے کے سماجی ڈھانچے اور شیعہ سنی ہم آہنگی کو نشانہ بنانے کی منظم کوشش قرار دیا گیا ہے۔ رپورٹ کے مطابق ان کارروائیوں کا ہدف وہ شخصیات ہیں جو اختلافات کم کرنے اور لوگوں کو قریب رکھنے میں کردار ادا کرتی ہیں۔

رپورٹ میں مولوی عبدالواحد ریگی، محمد انور ریگی، ملا کمال صلاحی، مولوی گرگیج اور مولوی یوسف قاضی کے قتل کا ذکر کرتے ہوئے کہا گیا ہے کہ ان شخصیات کے قتل کا نقصان صرف ان کے خاندانوں تک محدود نہیں رہتا، بلکہ پورا معاشرہ ایک اہم سماجی سہارے سے محروم ہو جاتا ہے۔

یہ بھی پڑھیں : ایران سیستان و بلوچستان: فنوچ میں دہشت گردوں کا حملہ، اہل سنت عالم دین مولوی محمد یوسف قاضی شہید

رپورٹ کے مطابق دہشت گرد گروہ جیش الظلم سے منسوب کارروائیاں سکیورٹی اہلکاروں تک محدود نہیں رہیں بلکہ عام شہری، مقامی شخصیات اور علاقے کا امن و ترقی بھی ان کا نشانہ بنے ہیں۔ رپورٹ میں سوال اٹھایا گیا ہے کہ اگر یہ گروہ بلوچ عوام کے حقوق کا دعویدار ہے تو اس کی مسلح سرگرمیوں سے شہریوں اور علاقے کی ترقی کو کیا فائدہ پہنچا ہے۔

رپورٹ میں سوشل میڈیا پر علماء اور معتمدین کے خلاف بے بنیاد الزامات اور کردار کشی پر بھی تشویش ظاہر کی گئی ہے۔ رپورٹ کے مطابق خطے کے عوام کے معاشی، تعلیمی اور سماجی مسائل کا حل تشدد میں نہیں بلکہ مکالمے اور ترقیاتی اقدامات میں ہے، جبکہ دہشت گردی میں ملوث عناصر کے خلاف شواہد کی بنیاد پر قانونی کارروائی ضروری ہے۔