بشارالاسد کی حکومت ختم کرنے کی اجازت نہیں دیں گے۔روس

ماسکو (مانیٹرنگ ڈیسک )روس کے وزیر خارجہ سرگئی لاؤ روف نے کہا ہے کہ ان کا ملک شامی صدر کے دشمنوں کا ڈٹ کر مقابلہ کرے گا۔وزیرخارجہ سرگئی لاؤرف نے کہا کہ، صدر بشار اسد کی حکومت گرانے کی کوشش کرنے والے گروہوں کے ساتھ ساز باز کا سوال ہی پیدا نہیں ہوتا۔انہوں نے کہا کہ روس، ایسے گروہوں کو ہرگز کامیاب نہیں ہونے دے گا، جو شامی عوام کی مشکلات کو حل کرنے کے بجائے، اس ملک کی قانونی حکومت کو ختم کرنے کی کوشش کر رہے ہیں۔
شام میں بحران دوہزار گیارہ سے جاری ہے جب سعودی عرب، امریکا اور اس کے اتحادیوں کے حمایت یافتہ دہشت گرد گروہوں نے شامی عوام اورحکومت پر جنگ مسلط کی – اس بحران کا مقصد صدر بشاراسد کی قانونی حکومت کو گرانا تھا لیکن دہشت گرد اوران کے حامی اپنے اس مقصد میں کامیاب نہیں ہوسکے۔