موصل سے داعش کی خاتون سرغنہ لاکھوں ڈالر لے کر فرار

بغداد(مانیٹرنگ ڈیسک) دہشت گرد گروہ داعش کی خاتون بریگیڈ الخنساء کی کمانڈر موصل سے لاکھوں ڈالر لے کر فرار ہو گئی اور داعش کے دہشت گرد اس کو گرفتار کرنے کے لئے تلاش کر رہے ہیں۔صوبہ نینوا کے ایک سیکورٹی ذرائع نے داعش کی خاتون بریگیڈ الخنساء کی کمانڈرکے اپنے ساتھیوں کے ساتھ فرار ہونے کی اطلاع دی ہے۔
غیر ملکی ذرائع کے مطابق، داعش کی یہ خاتون کمانڈر لاکھوں ڈالر کے ساتھ فرار ہوئی ہے اور وہ شام کی سرحد کی طرف جانے کی کوشش کر رہی ہے۔ داعش نے اپنے کارندوں کو مذکورہ خاتون کمانڈر اور اس کی ساتھیوں کو گرفتار کرنے کے لئے روانہ کر دیا ہے۔اس سیکورٹی ذریعے نے بتایا ہے کہ الخنساء بریگیڈ کی کمانڈر اپنی چار خواتین ساتھیوں کے ساتھ جن میں دو عرب ہیں اور تاجیكستان کی ہیں، مغربی صوبہ نینوا کے البعجاج علاقے کی طرف فرار ہوئی ہیں۔اس خاتون کمانڈر پر خواتین کو خودکش حملوں کے لئے تیار کرنے اور ان کو ٹریننگ دینے کی ذمہ داری تھی۔