گستاخ بلاگرز پر متضاد اطلاعات ،پس پردہ سازش بے نقاب،حقائق قوم کے سامنے رکھے جائیں، پیر اعجاز ہاشمی

شیعیت نیوز: جمعیت علما پاکستان کے مرکزی صدر پیر اعجاز احمد ہاشمی نے کہا ہے کہ سوشل میڈیا ہو یا کوئی اور پلیٹ فارم گستاخانہ مواد ناقابل برداشت ہے۔ اسلامی جمہوریہ پاکستان میں رہنے والا کوئی بھی صاحب ایمان اور پیغمبر اکرم کا عاشق اسے برداشت نہیں کرسکتا۔ انتہا پسندی مذہبی ہو یا سیکولر قابل مذمت ہے،حکومت راست اقدامات کرے۔ورنہ لوگوں کو قانون ہاتھ میں لینا پڑتا ہے، جوکہ اچھی روایت نہیں ہے۔ علما کے وفد سے گفتگو میں انہوں نے کہا کہ پاکستان خاتم الانبیا حضرت محمد مصطفی صلی اللہ علیہ وآلٰہ وسلم کے ماننے والوں کا ملک ہے، جہاں تمام مذاہب اور مسالک کے افراد کو اپنے عقیدے کے مطابق مذہبی آزادی حاصل ہے۔ لیکن کوئی شخص گستاخی رسول برداشت نہیں کرے گا ۔ان کا کہنا تھا کہ توہین آمیز بلاگرز کے ایشوز پر متضاد اطلاعات گرد ش کررہی ہیں۔ حکومت کو حقائق قوم کے سامنے رکھنے چاہیں۔ مفروضوں پر کسی کے خلاف الزام عائد کرنے کو غیر اسلامی سمجھتے ہیں، لیکن کسی گستاخ رسول کے ساتھ کوئی رعایت نہیں کی جاسکتی۔ریاستی اداروں نے ایسے گروہ کو پکڑاہے تو قابل تحسین اقدام ہے۔ ضروری ہے کہ اس کے پس پردہ عناصر اور سازش کو بھی بے نقاب کیا جائے۔کہ ایسے گھناونے جرائم کرنے والوں کے پیچھے کون سی طاقتیں ہیں۔ ان کے خلاف کارروائی کی جائے۔ پیر اعجاز ہاشمی نے مطالبہ کیا کہ جن دہشت گردوں اور گستاخوں کے خلاف عدالتوں سے جرائم ثابت ہوچکے ہیں۔ان کی سزائے موت پر عملدرآمد کرکے زمانے کے لئے مقام عبرت بنایا جائے۔انہوں نے کہا کہ عقیدہ ختم نبوت ایما ن کی شرط ہے کہ حضرت محمد مصطفی صلی اللہ علیہ وآلٰہ وسلم کے بعد کوئی نبی نہیں۔ جو دعویٰ کرتا ہے و ہ مرتد اور کافر ہے۔اس کے لئے وہ کو ئی بھی توجیحات اور وضاحتیں پیش کرے، اسے قبول نہیں کیا جاسکتا ہے۔