لاہور میں سی سی ڈی کی کارروائی، کالعدم لشکرِ جھنگوی کے دہشتگرد واصل جہنم
07 اکتوبر, 2025 16:16
شیعیت نیوز : لاہور میں سی سی ڈی (کرائم کنٹرول ڈپارٹمنٹ) کے اہلکاروں اور کالعدم لشکرِ جھنگوی کے دہشتگردوں کے درمیان مختلف علاقوں میں مبینہ پولیس مقابلے ہوئے، جن میں متعدد دہشتگرد ہلاک ہوگئے۔
یہ بھی پڑھیں : کالعدم لشکر جھنگوی کے قاری کی بچے کے ساتھ زیادتی ورثا نے عبرتناک سزا دے کر جہنم واصل کر دیا
سی سی ڈی حکام کے مطابق، لاہور کے علاقے شاد باغ میں مقابلے کے دوران کالعدم لشکر جھنگوی سے تعلق رکھنے والے دہشتگرد عبدالشکور اور بابر اپنے ہی ساتھیوں کی فائرنگ سے مارے گئے۔ اسی طرح ہربنس پورہ میں ہونے والے ایک علیحدہ مقابلے میں سعید نامی دہشتگرد بھی اپنے ساتھی کی گولی لگنے سے ہلاک ہوا۔
ذرائع کے مطابق، ٹاؤن شپ کے علاقے میں بھی ایک مبینہ مقابلہ ہوا، جس میں نذیر نامی دہشتگرد ہلاک ہوا۔
تمام ہلاک دہشتگرد اپنے ہی ساتھیوں کی فائرنگ سے مارے گئے، جب کہ ان کے دیگر ساتھی فرار ہونے میں کامیاب ہوگئے۔ پولیس کے مطابق، فرار دہشتگردوں کی تلاش جاری ہے۔
