صیہونی فوجیوں کی فائرنگ، فلسطینی نوجوان شہید
اسرائیلی فوجیوں نے ایک فلسطینی نوجوان کو گولیوں کا نشانہ بنایا جس کے نتیجے میں وہ شہید ہو گیا۔
فلسطین انفارمیشن سینٹر کے مطابق صیہونی فوجیوں نے ایک فلسطینی نوجوان کو مقبوضہ بیت المقدس کے قدیم علاقے میں واقع باب الاسباط کے قریب گولیوں کا نشانہ بنایا۔ عینی شاہدین کے مطابق صیہونی فوجیوں نے کم سے کم دس گولیاں چلائیں جس کے نتیجے میں مذکورہ فلسطینی نوجوان موقع پر ہی شہید ہو گیا۔
اسرائیلی فوجیوں نے دعوی کیا کہ مذکورہ فلسطینی نوجوان شہادت پسندانہ کارروائی کا ارادہ رکھتا تھا۔
قابل ذکر ہے کہ فلسطینیوں کے خلاف اسرائیلی جرائم، مسجد الاقصی پر صیہونی آباد کاروں کے پے در پے حملوں اور اس مقدس مقام کو تقسیم کرنے کی سازش کے خلاف، یکم اکتوبر دو ہزار پندرہ سے سرزمین فلسطین میں تحریک انتفاضہ قدس جاری ہے۔
مذکورہ فلسطینی نوجوان کی شہادت کے بعد تحریک انتفاضہ قدس کے آغاز سے اب تک شہید ہونے والوں کی تعداد دو سو پینسٹھ سے تجاوز کر گئی ہے۔
