میانمار کے مسلمانوں کی بنگلادیش کی جانب ہجرت

میانمارمیں جاری تشدد کے دوران سیکڑوں روہنگیا مسلمان اپنی جان بچانے کے لئے بنگلادیش ہجرت کر گئے ہیں

شیعت نیوز کی رپورٹ کے مطابق بنگلادیش کے حکام اور مقامی امدادی کارکنوں کا کہنا ہے کہ اکتوبر کے مہینے سے اب تک کم سے کم پانچ سو روہنگیا مسلمان ، میانمار سے ہجرت کر کے بنگلادیش آچکے ہیں-

میانمار کے فوجیوں اور سیکورٹی اہلکاروں کے تشدد اور قتل عام سے بچنے کے لئے یہ روہنگیا مسلمان بھاگ کر بنگلادیش پہنجے ہیں جہاں انھیں چارسرحدی کیمپوں میں رکھا گیا ہے- تاہم بنگلادیش پولیس نے بدھ کو مزید روہنگیا مسلمانوں کو بنگلادیش میں داخل ہونے سے روک دیا ہے –

میانمار میں سرگرم قانونی اور انسانی حقوق کی شخصیتوں کا کہنا ہے کہ اس ملک میں مسلمانوں کے منصوبہ بند قتل عام ، ان کی عورتوں کو جنسی تشدد کا نشانہ بنا‏نے اور گھروں کو آگ لگانے کی نئی لہر شروع ہوگئی ہے-

اقوام متحدہ کا کہنا ہے کہ روہنگیا اقلیت ، دنیا کی سب سے مظلوم قوم ہے – میانمار میں روہنگیا مسلمانوں کی آبادی چارفیصد ہے-