کراچی : 16ماہ قبل رینجرز کے ہاتھوں گرفتار شیعہ جوان کے والدین کی پریس کانفرنس، بازیابی کا مطالبہ
شیعیت نیوز: کراچی کے علاقہ اولڈ رضویہ سوسائٹی سے رینجرز نے ۱۶ ماہ قبل ایک شیعہ جوان محمد مہدی (شجاع) کو گرفتار کیا تھا لیکن تاحال اس شیعہ جوان کو عدالت میں پیش نہیں کیا گیا اور نا ہی اسکے ورثاء کی ملاقات کروائی جاسکی ہے ، اس معماملے پر محمد مہدی نامی اس جوان کے والدین سے گذشتہ دونوں کراچی پریس کلب میں پریس کانفرنس کرتے ہوئےوزیر اعظم ، آرمی چیف ، وزیر داخلہ ، وزیر اعلی سندھ ، چیف جسٹس سندھ ھائی کورٹ ، ڈی جی رینجرز جناب بلال اکبر سے مطالبہ کیا کہ اُنکے گمشدہ بیٹے کو رینجرز کی تحویل سے بازیاب کروایا جائے۔
اطلاعات کے مطابق محمد مہدی عرف شجاع کے والدین کی گذشتہ روز کراچی پریس کلب میں پریس کانفرنس اپنے ۱۶ ماہ سے لاپتہ فرزند کی بازیابی کیلئے پریس کانفرنس کی گئی جس میں والدہ پرنم آنکھوں کے ساتھ ملکی قیادت سے اپنے بیٹے کی بازیابی کی التجاء کی، انہوںنے کہاکہ میرے بیٹے محمد مہدی کو ۱۶ ماہ قبل رینجرز نے رضویہ سوسائٹی ناظم آباد کراچی سے گرفتار کیا تھا جسکا تاحال کچھ پتہ نہیں ۔
انہوںنے مطالبہ کیا کہ ہمیں بتایا جائے کہ اسکو کیوں اغواء کیا گیا ؟ اسکا جرم کیا تھا ؟ اور رینجرز نے آج ۱۶ ماہ سے اسکو کس قانون کے تحت اپنی حراست میں رکھا ہواہے ؟ جبکہ رینجرز ۹۰ روز سے زیادہ عرصہ تک کسی بھی شخص کو اپنی تحویل میں رکھ سکتی جبکہ میرے بیٹے کو ۱۶ ماہ قبل گرفتار کیا گیاتھا
گمشدہ محمد مہدی کے والد جعفر مہدی نے چیف اُف آرمی اسٹاف جنرل راحیل شریف اور ڈی جی رینجرز جناب بلال اکبرسے درخواست کی کہ میرے بیٹے ( محمد مہدی ) کی فی الفور رہائی کو یقینی بنائیں ۔
