علامہ راجہ ناصر عباس جعفری کے دورہ تفتان بارڈر کی حقیقی رپورٹ سامنے آگئی

شیعیت نیوز : مجلس وحدت مسلمین کے بانی رہنما و سیکرئٹری جنرل نے زائرین کو درپیش مشکلات کے حل کے لئے باذات خود خطرات کو مول لے کر تفتان بارڈر کا دورہ کیا،علامہ راجہ ناصر عباس جعفری کے دورہ تفتان بارڈر کی تفصیلات شیعیت نیوز کو موصول ہوئی ہیں، اطلاعات کے مطابق رات گئے بارڈر پر پہنتے ہی علامہ راجہ ناصر عباس جعفری نے ایف آئی اے ایمگریشن پوسٹ کا دورہ کیا اس موقع پر پوسٹ انچارج انسپکٹر بہادر خان کاکڑ او ر اے ایس آئی ایف آئی اے حاجی محمود نے ایف آئی اے کی تفتان پوسٹ کے حوالے سے تفصیلی بریفینگ دی اور اپنی مشکلات سے آگاہ کیا ،اس وقت یہ پوسٹ ایک چھوٹے سے ہال اور ایک مختصر برآمدے پر مشتمل ہے اسٹاف کی تعداد بھی صرف دس ہے اور رش کےدنوں میں خصوصا بہت مشکلات ہوتی ہے ایک ہی جگہ سے انٹری اور ایگزیٹ ہوتی ہے سٹاف کی کمی اور شیڈ ز نا ہونے کی وجہ سے زائرین گھنٹوں دھوپ میں کھڑے رہتے ہیں اس پوسٹ پر پینے کا میٹھا پانی بھی دستیاب نہیں ہے ۔

ایف سی چیک پوسٹ کا دورہ
اس موقع پرٹورریزم ڈیپارٹمنٹ کے نمائندے اور ایف سی تفتان کے اعلی عہدے داران نے پاکستان ہاوس کے مختلف حصو ں کا معائینہ کروایا، علامہ راجہ ناصر عباس کا تفتان بارڈر پر وفد کے ہمرا ایف آئی اے ایمگریشن چیک پوسٹ ک دورہ ایف آئی اے سٹاف سے ملاقات ان کے مسائل سنے زائرین سے ملاقاتیں کیں ۔ اس موقع پر ایف ائی اےذمہ داران کا کہنا تھا کہ ہمیں سٹاف کی کمی کا سامنا ہے ۔ اور صرف 6 افراد کاونٹر پر ہوتے ہیں جوکہ آنے اور جانے دونوں امور پر کام کرتے ہیں ۔ جگہ کی کمی کے باعث زائرین کو شدید مشکلات ہوتیں ہیں جگہ کے حوالے سے ان کا کہنا تھا کہ ہمارے پاس جو رقبہ ہے وہ 6 ایکڑ پر محیط ہے مگر عمارت بہت چھوٹی ہے جس میں ایک وقت میں 100 افراد بھی نہں آسکتے اور ایام محرم و صفر میں یہ مشکلات بہت بڑھ جاتی ہیں شدید گرمی میں بچے عورتیں بزرگ حضرات دھوپ میں گھنٹوں انتظار کرتے ہیں ۔ لہذا عمارت اور سٹاف کی مشکلات کو حل کیا جائے تو ہم زائرین کی خدمت کے لئے 24 گھنٹے شفٹوں میں بھی کام کرنے کو تیار ہیں

اسٹنٹ کمشنر تفتان سے ملاقات
اسٹینٹ کمشنرتفتان مہر اللہ بادینی کی خصوصی طور پرعلامہ راجہ ناصر عباس جعفری سے ملاقات اسسٹینٹ کمشنر تفتان نےزائرین کی پریشانیوں کو حل کرنے کے حوالے سے اپنی تجاویزپیش کیں اور حکومتی اقدامات کے حوالے سے آگاہ کیا۔

صوبائی وزیر امان اللہ نوشیزئی سے ملاقات
علامہ راجہ ناصر عباس نے صوبائی وزیر امان اللہ نوشیزئی سے ملاقات کی ، زائرین کی مشکلات کم کرنے اور مسائل کے حل کے لئے دالبدین میں علامہ راجہ ناصر عباس جعفری کی امان اللہ نوشیزئی سے ملاقات ہوئی، تفصیلی میٹینگ میں امان اللہ نوشیزئی نے زائرین کے حوالے سے اب تک کئے جانے والے اقدامات اور اپنی مشکلات اور امکانات پر تفصیلی بریفنگ دی اس موقع پر ایم پی آغا محمد رضا ،علامہ سید ہاشم موسوی اور مجلس وحدت بلوجستان کے رہنمابھی ساتھ موجود تھے (واضح رہے کہ امان اللہ نوشیزئی کے حلقہ میں تفتان بارڈر تک کا علاقہ شامل ہے)

پاکستان ہاوس کا دورہ
علامہ راجہ ناصرعباس جعفری نے نئے پاکستان ہاوس کا تفصیلی معائینہ کیا یہ پاکستان ہاوس جو کہ ایکڑ پر محیط ہے اس میں مردوں اور عورتوں کے لئے الگ الگ عمارتیں ،مسجد ، واش رومز، کچن وغیرہ بن رہے ہیں ، یہ پاکستان ہاوس ایم پی اے آغا سید محمد رضا کی درخواست پر وزیر اعلی بلوچستان نے زائرین کی سہولت کے لئے شروع کروایا ہے جس پر 9 کروڑ کی لاگت آئے گی ، اس موقع پر عمارت کے ٹھیکدار نے عمارت کی تعمیرات کے حوالے سے بتایا کہ اس پاکستان ہاوس کی عمارت کو انشاللہ اگلے 4 ماہ کے اندر مکمل کر لیا جائے گا۔

زائرین سے ملاقات
بارڈر پر موجود زائرین سے علامہ راجہ ناصر عباس جعفری نے ملاقات کی اور خطاب کیا۔

نتیجہ
اس تفصیلی دورے اور مشاہدے کے بعد علامہ راجہ ناصر عباس جعفری اعلیٰ حکام کو آگاہ کریں گے اور درپیش مشکلات کے سدباب کے لئے پھرپور کوشیش کریں گے۔

 ایف سی کی اعلی کمانڈ سے ملاقات

دوسری جانب تفتان سفر سے پہلے ایف سی کی اعلی کمانڈ سے ملاقات ہوئی جس میں محرم اور سفر میں کانوائے کی تعداد بڑھانے پر اتفاق کیا گیااور عملی اقدام کی ابتداء محرم سے پہلے ہو گئی
2:زائرین کے لئےبیجا تکالیف کو برطرف کرنے کی یقین دہانی
3:ایف سی اہلکاروں کے بعض اوقات نا مناسب رویہ کی روک تھام کی جائے گی
:4.زائرین کو سہولتیں فراہم کرنے کے لئے اپنی سطح پر ایف سی ہر ممکن قدم اٹھائے گی

ہوم سیکرئٹری بلوچستان سے ملاقات

اس طرح ہوم سیکرٹری بلوچستان سے ملاقات ہوئی جس میں مندرجہ ذیل معمالات پر اتفاق ہوا
1 تفتان سے آنے والے زائریں کو وہاں سے جلدی کوئٹہ روانہ کیا جائے گا.
2: میڈیکل کی سہولتوں کو بہتر کرنے کے لئے باہمی تعاون پر اتفاق ہوگا
3:.زائریں کی تفتان میں مشکلات کو برطرف کرنے کے لئے (واش روم وغیرہ میں اضافہ) اقدامات کئے جائیں گے