علامہ راجہ ناصرنے گذشتہ رات تفتان بارڈر زائرین کے ہمراہ گذاری،مشکلات کا جائزہ، حکام سے ملاقات
شیعیت نیوز: مجلس وحدت مسلمین پاکستان کے بانی رہنما اور سیکرئٹری جنرل علامہ راجہ ناصر عباس جعفری نے گذشتہ شب تفتان بارڈر پر مشکلات میں گھیرے زائرین کے ہمراہ رات گذار ی اور بارڈر پر موجود متعلقہ افسران سے ملاقات کرکے مسائل حل کرنے پر زور دیا، اطلاعات کے مطابق کوئٹہ سے ایم ڈبلیو ایم کے ایم پی اے آغا رضا کے ہمراہ علامہ راجہ ناصر عباس جعفری نے تفتان بارڈر پر خود جاکر زائرین کے مسائل کا قریب سے مشاہد کرنے اور وہاں موجود ایف آئی اے اور امیگریشن آفیسر سے ملاقات کرنے کا مستحکم ارادہ کیا اور حکومتی وارنگ کے باوجود خطرات مول لے کر تفتان بارڈر کی جانب روانہ ہوگئے، شیعیت نیوز کو موصول اطلاعات کے مطابق گذشتہ رات علامہ راجہ ناصر عباس تفتان بارڈر پر پہنچے جہاں انہوں نے کئی دنوں سے مشکلات میں گھیرے زائرین کے ساتھ رات گذاری ، بتایا گیا ہے کہ علامہ راجہ ناصر عباس نے پاسپورٹ آفس کے متعلقہ افسراں، ایف آئی آے اور ایف سی کے ذمہ داران سے بھی ملاقات کی ہے اور ان سے کہا ہے کہ زائرین کے مسائل کو فوری حل کیا جائے، میں خود یہاں آیا ہوں تاکہ ان مسائل کا مشاہد ہ کرسکوں۔
واضح رہے کہ ایران و عراق سے زیارت کرکے پاکستان واپس آنے والے زائریں کو تفتان بارڈر پر کئی کئی دنوں تک حکومتی و سیکورٹی اہلکاروں کی جانب سے روک کر رکھا جاتا ہے اور انہیں کسی بھی قسم کی سہولیات تک نہیں دی جاتی، جبکہ بیمار زائرین کے لئے علاج معالج کا بھی اہتمام نہیں ہے، اس صورتحال پر حکومت بلوچستان و وفاق سے کئی مرتبہ بات چیت ہوئی ہے مگر وہ ان مسائل کو حل کرنے میں سنجیدہ نہیں ہیں، علامہ راجہ ناصر عباس کا تفتان بارڈر کی جانب اپنی جان کو خطرہ میں ڈال کر مار چ کرنا اور وہاں رات بسر کرناحکومتی بے حسی کو توڑنے کے کافی ہےلیکن اگر ابھی بھی ان مسائل کو حکومت نے سنجیدہ نہیں لیا تو پوری قوم تفتان بارڈر کی جانب مارچ کرے گی۔
