کراچی: سانحہ عاشورہ کے بعد جلاو گھیراو کرنے والاسیاسی جماعت کا کارکن گرفتار

شیعیت نیوز: قانون نافذ کرنے والے ادارے کے ہاتھوں گرفتار ٹارگٹ کلر اور سیاسی جماعت کے کارکن عمران سعید نے دوران تفتیش اہم انکشافات کئے ہیں۔ ملزم نے 26 افراد کی ٹارگٹ کلنگ کا بھی اعتراف کیا ہے۔ تفتیشی رپورٹ کے مطابق ملزم نے 26 افراد کے قتل کا اعتراف کیا ہے جن میں پولیس اہلکاروں سمیت  مذہبی جماعتوں کے کارکن بھی  شامل ہیں۔ ملزم عمران سعید کے مطابق وہ ایک سیاسی جماعت کے سیکٹر انچارج کے کہنے پر ٹارگٹ کلنگ کرتا تھا۔ تفتیشی رپورٹ میں مزید بتایا گیا ہے کہ ملزم سانحہ عاشورہ کے بعد جلاؤ گھیراؤ میں ملوث ہے۔ وہ 9 اپریل 2008ء کو کراچی میں ہونے والے سانحہ طاہر پلازہ میں بھی ملوث ہے جس میں آتش گیر مادہ پھینک کر وکلاء کے دفاتر جلا دیئے گئے تھے۔ ملزم عمران سعید سیاسی جماعت کے عسکری ونگ کا ٹارگٹ کلر ہے اور اسے قانون نافذ کرنے والے ادارے نے گرفتار کیا تھا۔