رہبر معظم کا حضرت امام خمینی (رہ) کی 27ویں برسی کے موقع پر عظيم الشان اجتماع سے اہم خطاب
رہبر معظم انقلاب اسلامی حضرت آیت اللہ العظمی امام خامنہ ای نے بانی انقلاب اسلامی حضرت امام خمینی کی 27 ویں برسی کے موقع پر حضرت امام خمینی (رہ) کے مزار پر ایک عظیم الشان اجتماع سے خطاب کرتے ہوئے فرمایا: حضرت امام خمینی (رہ) نے انقلاب اسلامی کے ذریعہ ملک کو سامراجی طاقتوں اور مشکلات کے دلدل سے نجات عطا کی۔
مہر خبررساں ایجنسی کے نامہ نگار کی رپورٹ کے مطابق اسلامی جمہوریہ ایران کے دارالحکومت تہرا ن اور ملک کے دوسرے شہروں میں حضرت امام خمینی کی 27 ویں برسی کی مناسبت سے عظيم الشان تقریبات کا سلسلہ جاری ہے تہران میں حضرت امام خمینی (رہ) کے مزار پر ان کی 27 ویں برسی کی مناسبت سےعظيم الشان تقریب منعقد ہوئی جس میں تقریبا دو ملین ملکی اور غیر ملکی زائرین نے شرکت کی ۔
رہبر معظم انقلاب اسلامی حضرت آیت اللہ العظمی امام خامنہ ای نے حضرت امام خمینی(رہ) کے روضہ مبارک پر عظيم الشان احتماع سے خطاب میں حضرت امام خمینی (رہ) کو خراج عقیدت پیش کرتے ہوئے فرمایا: حضرت امام خمینی (رہ) نے انقلاب اسلامی کے ذریعہ ملک کو سامراجی طاقتوں اور مشکلات کے دلدل سے نجات عطا کی۔
رہبر معظم انقلاب اسلامی نے فرمایا: حضرت امام خمینی (رہ) مؤمن کامل اوراللہ تعالی کے خاص عبد و متعبد انسان تھے جنھوں نے اپنی گہری بصیرت کے ساتھ انقلاب اسلامی برپا کیا اور یہ انقلاب فوجی کودتا کے ذریعہ نہیں بلکہ عوامی طاقت اور حضرت امام خمینی (رہ)کی بصیرت کی بدولت وجود میں آیا۔
رہبر معظم انقلاب اسلامی نے فرمایا: انقلاب اسلامی نے ایرانی قوم کو سیاسی، اقتصادی، ثقافتی وابستگی اور پسماندگی سے نجات عطا کی اورایرانی قوم کو مشکلات اور سامراجی طاقتوں کے دلدل سے نکال لیا۔
رہبر معظم انقلاب اسلامی نے فرمایا: ہمیں امریکہ اور برطانیہ نے ہر لحاظ سے پسماندہ بنادیا تھا ہم سامراجی طاقتوں سے وابستہ تھے ہمارے سر پر امریکہ اور برطانیہ جیسی منحوس اور ظالم و جابر طاقتیں مسلط تھیں ، ہمیں علمی، سیاسی، ثقافتی اور ترقی و پیشرفت کے لحاظ سے پسماندہ بنادیا گیا تھا ہماری قسمت کا فیصلہ امریکہ اور برطانیہ کے ہاتھ میں تھا۔ لیکن حضرت امام خمینی (رہ) نے ایرانی قوم کو نجات عطا کرنے کا فیصلہ کیا ، قوم نے ان کا ساتھ دیا اور اللہ تعالی نے ایرانی قوم اور حضرت امام (رہ) کی مدد اور نصرت کی اور اللہ تعالی نے حضرت امام خمینی کی تلاش و کوششوں کے نتیجے میں اس قوم کو امریکہ اور سامراجی طاقتوں کے شرسے نجات عطا کی اور آج ایرانی قوم علاقائی اور عالمی سطح پر سیاسی اقتصادی، ثقافتی استقلال اور علم و دانش کے میدان میں ترقی اور پیشرفت کی شاہراہ پر گامزن ہے۔
رہبر معظم انقلاب اسلامی نے فرمایا: آج بھی انقلاب اسلامی کے چھوٹے بڑے دشمن موجود ہیں لیکن ہمارے اصلی دشمن امریکہ، اسرائیل اور برطانیہ ہیں اور ہمیں اپنے اصلی دشمنوں کو فراموش نہیں کرنا چاہیے۔
رہبر معظم انقلاب اسلامی نے فرمایا: امریکہ قابل اعتماد نہیں ، امریکہ بڑا شیطان ہے اور ہمیں بڑے شیطان کے مکر و فریب کے بارے میں ہمیشہ ہوشیار رہنا چاہیے۔
رہبر معظم انقلاب اسلامی نے فرمایا: امریکہ خود بھی ظالم ہے اور دنیا کے ظالموں کی حمایت بھی کرتا ہے امریکہ فلسطین پر ظلم کررہا ہے اور اسرائیل کی مدد کررہا ہے امریکہ ، یمن میں جاری بمباری کی حمایت کررہا ہے۔ امریکہ یمن میں اپنے اتحادیوں کی مدد میں ممنوعہ ہتھیاروں کا استعمال کررہا ہے۔ امریکہ یمن کے شہروں ، اسپتالوں ، مدارس ، مساجد اور ثقافتی مراکز پر بمباری میں بھر پور تعاون فراہم کررہا ہے۔ امریکہ شیطنت اور شرارت کا محور ہے اور وہ اسلام اور مسلمانوں کا اصلی دشمن ہے مسلمانوں کو امریکہ کے مکر و فریب میں نہیں آنا چاہیے مسلمانون کو ایسے حکمرانوں سے نفرت و بیزاری کا اظہار کرنا چاہیے جو امریکہ کے طرفدار اور اس کے غلام ہوں۔
