دہشت گرد بھیس بدل کر ہماری صفوں میں گھسے ہوئے ہیں، علامہ ساجدعلی نقوی

شیعیت نیوز: شیعہ علماء کونسل کے سربراہ علامہ سید ساجد علی نقوی نے سرگودہا میں اجتماع سے خطاب کرتے ہوئے کہا ہے کہ وطن عزیز اس وقت نازک دور سے گزر رہا ہے، امت مسلمہ کو اپنے فرقہ وارانہ اختلافات بھلا کر دہشت گردی کے خلاف اکٹھا ہونا چاہئے۔ دہشت گردی کا ناسور ختم کئے بغیر پاکستان میں امن قائم نہیں ہوسکتا۔ انکا کہنا تھا کہ دہشت گرد بھیس بدل کر ہماری صفوں میں گھسے ہوئے ہیں، قوم کو فوج کی بے مثال قربانیوں کی لاج رکھنا ہوگی۔ مدرسہ محمدیہ عربیہ جلال پور جدید ننگیانہ میں علامہ سید خادم حسین شیرازی کی برسی کے موقع پر مجلس عزا سے خطاب کرتے ہوئے انہوں نے کہا کہ مولانا خادم حسین شیرازی کی علمی خدمات سے ہزاروں افراد مستفید ہو رہے ہیں۔ واضح رہے کہ مجلس عزا سے علامہ محمد حسنین شیرازی، سید ظہیر الحسنین، علامہ تقی نقوی، مولانا افضل حیدری، علامہ محی الدین اور مولانا اعجاز نجفی نے بھی خطاب کیا۔