ملک بھرمیں توہین حرم رسالتؐ کے خلاف جلوس و عزاداری کا سلسلہ جاری

شیعیت نیوز: یوم شہادت دختر رسول حضرت فاطمہ زہر ا (س) کے سلسلہ میں ملک بھر میں عزاداری کا سلسلہ جاری ہے، کئی شہروں میں عشرہ منعقد ہورہے ہیں جبکہ گھروں پر بھی مومنین کی جانب سے فرش عزا بچھادیا گیا ہے۔

تفصیلات کے مطابق 3 جمادی الثانی تاریخ کے اعتبار سے رسول اللہ (ص) کی اکلوتی دختر ، ہمسفر امیر المومنین ، مادرِ حسن و حسین  و خواتین جنت کی سردار حضرت فاطمہ زہرا(س) کا یوم شہادت ہے، آپ اُسی اس دنیا سے رخصت ہوئیں جس سال رسول اللہ (ص) کی رحلت ہوئی، روایات کے مطابق رسول (ص) کی شہادت کے صر ف ۷۵ دن بعد ہی آپ زخمی حالت میں اس دنیا سے رخصت ہوکر اپنے بابا سے ملاقات کے لئے تشریف لے گئیں، تاریخ کتب کا مطالعہ کرنےکے بعد معلوم ہوتا ہے آپ علیہ سلام پر ظلم و مصیبت کے پہاڑ امت کی طرف سے توڑے گئے، آپکے گھر پر ہجوم آگ لے کرآیا اور گھر کو آگ لگا جبکہ جلتا ہوا درواز دختر رسول (ص) پر گر ا جس سے آپکے بطن مطہر میں موجود حضرت محسن شہید ہوگئے اور آپ ؑ کی پسلیاں ٹوٹ گئیں، تاریخ روایاں کہتے ہیں در فاطمہ زہرا (ع) پر آنے والے ہجوم حضرت علی علیہ سلام سے زبردستی بیعت لینے آیا تھا اور چاہتا تھا کہ علی کو گرفتار کرکے دربار میں لے جایا جائے، اس موقع پر حرمت ولایت و امامت کے دفاع کے لئے دختر رسول میدان میں آئیں ولایت کا دفاع کیا،اسی لیے آپ ؑ کو پہلی شہیدہ ولایت بھی کہا جاتا ہے!

شیعیت نیوز کے نمائندے کے مطابق آج اور کل شہر کراچی سمیت ملک بھر میں مرکزی مجالس عزا کا انعقاد کیا جارہا ہے ، جبکہ کراچی میں عزا خانہ زہرا(س) سے خراسان امام بارگاہ تک کل بروز اتوار علماٗ کرام برہنہ پا جلوس برآمد کریں گے، اسی طرح مختلف علاقوں میں بھی آج اور کل جلوس نکالے جائیں گاتاکہ حرم رسالت کی توہین کے خلاف اپنا احتجاج ریکارڈ کروایا جاسکے۔