سعودی عرب، احتجاجی مظاہرین پر حملے میں ایک شخص شہید

سعودی حکام کے ہاتھوں معروف مجاہد عالم دین شیخ باقر النمر کی شہادت کے خلاف مشرقی سعودی عرب کے علاقے العوامیہ کے مسلمانوں کی جانب سے احتجاجی مظاہرہ کرنے والوں پر سعودی سیکورٹی فورسز نے اندھادھند فائرنگ کردی جس میں ایک شخص شہید اور کئی دیگر زخمی ہو گئے۔ زخمیوں میں ایک آٹھ سالہ بچہ بھی شامل ہے جس کی حالت تشویشناک بتائی جاتی ہے۔ ذرائع کے مطابق العوامیہ کے شہریوں نے راستے بند کرکے شدید احتجاج کیا اور شیخ باقر النمر کو سزائے موت دیے جانے کی شدید مذمت کی۔

واضح رہے کہ معروف مجاہد عالم دین شیخ باقر النمر کو آل سعود حکومت پر تنقید کرنے پرسزائے موت دیے جانے کے سعودی حکومت کے انتہا پسندانہ اور غیر ذمہ دارانہ اقدام پر مختلف اسلامی ملکوں سمیت علاقائی و عالمی سطح پر سخت ردعمل کا اظہار کیا جا رہا ہے۔