کراچی: سانحہ عباس ٹاون و شکارپور میں مطلوب انتہائی خطرناک تکفیری دہشتگرد گرفتار

شیعیت نیوز: کاؤنٹر ٹیرریزم ڈیپارٹمنٹ (سی ٹی ڈی) نے کامیاب کارروائی کرتے ہوئے مطلوب تکفیری دہشتگرد محمد انور عرف مولوی عبداللہ کو ساتھیوں سمیت گرفتار کرلیا، دہشتگرد کے سر کی قیمت 25 لاکھ مقرر کی گئی تھی۔

یہ تکفیری دہشتگردسانحہ عباس ٹاؤن سمیت متعدد دہشتگرد حملوں میں ملوث تھا۔

کاؤنٹر ٹیرریزم ڈیپارٹمنٹ (سی ٹی ڈی) کے مطابق سکیورٹی فورسز نے کامیاب کارروائی کرتے ہوئے کراچی کے مختلف علاقوں سے چار دہشتگردوں کو گرفتار کر لیا ہے۔

سی ٹی ڈی کے تحت گرفتار دہشتگردوں کے نام محمد انور، منظور احمد، عبدالحمید اور عبدالطیف ہیں، جبکہ دہشتگرد محمد انور عرف مولوی عبداللہ شکار پور اور عباس ٹاؤن خودکش دھماکوں میں بھی ملوث رہے،دہشتگرد محمد انور کے سر کی قیمت پچیس لاکھ روپے رکھی گئی تھی۔

دہشتگرد انور شکار پور دھماکے کی منصوبہ بندی میں بھی شامل تھا، جبکہ اس تکفیری دہشتگرد نے عباس ٹاؤن دھماکے کیلئے بارود بھی سپلائی کیا تگرفتار دہشتگردوں سے اسلحہ اور بم بنانے کا سامان برآمد کرلیا گیا ہے۔