پاکستان
شہید اعتزاز حسن کو بے مثال شجاعت پر حکومت کی جانب سے ستارہ جرات کا ایوارڈ مل گیا
پاکستان کے قبائلی علاقے ہنگو میں اپنی جان کا نذرانہ دیکر اسکول کے درجنوں بچوں کی جان بچانے والے شہید اعتزاز حسن کو بے مثال شجاعت اور جرات کا مظاہرہ کرنے پر حکومت پاکستان کی جانب سے ستارہ جرات سے نوازا گیا ہے۔ شہید اعتزاز کو یوم پاکستان کے موقع پر اس اعزاز سے نواز گیا۔ واضح رہے کہ شہید اعتزاز حسن نے ہنگو کے علاقہ ابراہیم زئی میں گورنمنٹ ہائی اسکول کے دروازے پر اندر داخل ہونے والے خودکش حملہ آور کو دبوچ لیا، جس پر خودکش بمبار نے خود کو وہاں پر ہی دھماکہ سے اڑا دیا۔ جس کے نتیجے میں اعتزاز حسن نے جام شہادت نوش کیا اور اسکول کے درجنوں بچوں کی زندگیاں بچا لیں۔