علامہ ساجد علی نقوی نے جامعہ الکوثر میں اسلامی تصویری نمائش کا افتتاح کر دیا

اسلامی ثقافت کو اجاگر کرنے کیلئے جامعہ الکوثر اسلام آباد کے زیراہتمام پانچ روزہ بین الاقوامی اسلامی تصویری نمائش کا افتتاح کر دیا گیا، نمائش کا افتتاح شیعہ علماء کونسل کے سربراہ علامہ سید ساجد علی نقوی نے کیا، یہ نمائش حرم امام حسین علیہ السلام کی طرف سے برگزار کی گئی ہے اور اس حوالے سے عراق سے ایک خصوصی وفد بھی شریک ہے۔ اس موقع پر مذہبی و سیاسی جماعتوں کے رہنماؤں سمیت علماء کرام نے کثیر تعداد میں شرکت کی۔ اسلامی نمائش میں جامعہ الکوثر کے سربراہ علامہ شیخ محسن علی نجفی، علامہ افتخار نقوی سمیت دیگر رہنماؤں نے اسلامی کتابوں، قرآن پاک کے نادر نسخوں سمیت مزارات مقدسہ کی تصاویر سمیت دیگر اسلامی تاریخ کی اشیاء کی نمائش کو سراہا۔ یہ تصویری نمائش آٹھ مارچ تک جاری رہے گی۔