جوان ہوں بچے تودیوبندی دہشتگردوں کے ہاتھوں قتل ہوجائیں؟
پچیس برس کی نوجوان دوشیزہ فضا ملک، بھی اسلام آباد کچہری پر ہوئے حملے کے دوران گولی لگنے سے شہید ہوگئی تھی، برطانیہ سے ایل ایل ایم کرنے کا ارادہ رکھتی تھیں۔
گزشتہ سال انہوں نے لندن یونیورسٹی کے ایل ایل بی کے بیرونی پروگرام کے تحت اسلام آباد اسکول آف لاء سے ایل ایل بی کی ڈگری حاصل کی تھی، انہوں نے حال ہی میں اپنی پریکٹس شروع کی تھی۔
وہ اسلام آباد ہائی کورٹ (آئی ایچ سی) بار ایسوسی ایشن کے موجودہ صدر محسن اختر کیانی کے ساتھ بطور ایسوسی ایٹ لائر کے دو ماہ سے کام کررہی تھیں۔
انہوں نے پنجاب بار کونسل کو ایک لائسنس کے لیے درخواست دے رکھی تھی اور پی بی سی کے ساتھ ایک انٹرویو کے لیے منتظر تھیں۔
ایڈوکیٹ محسن اختر کیانی نے ڈان کو بتایا کہ سول جج شعیب بلال کے کورٹ روم میں شرکت کے لیے جانے سے پہلے فضا ملک ان کے ساتھ بات کرتے ہوئے انہیں قائل کرنے کی کوشش کررہی تھیں کہ پی بی سی کے ساتھ ان کے انٹرویو کا انتظام کیا جائے، جو لیگل پریکٹس کے لائسنس کے لیے ضروری ہے۔
وہ لائسنس حاصل کرنے کے بعد برطانیہ جانے کی منصوبہ بنارہی تھیں۔
