میرانشاہ میں گاڑی پر فضل اللہ (گروپ) کی فائرنگ سے طالبان رہنما عصمت اللہ شاہین بیٹنی اپنے 3ساتھیوں سمیت واصل جہنم ہوگئے۔

زرائع کے مطابق شمالی وزیرستان کی تحصیل میرانشاہ کے علاقے درگاہ منڈی میں کالعدم تحریک طالبان فضل اللہ (گروپ) کے دہشتگردوں نے  ایک گاڑی پر فائرنگ کرکے فرارہوگئے، فائرنگ سے گاڑی میں موجود 4 افراد موقع پر ہی ہلاک ہوگئے۔ لاشوں کو اسپتال منتقل کردیا گیا جہاں ہلاک افراد میں سے ایک کی شناخت تحریک طالبان کےعصمت اللہ شاہین بیٹنی کے نام سے ہوئی ہے جبکہ دیگر افراد ان کے ساتھی تھے۔ تاہم اب تک تحریک طالبان پاکستان کی جانب سے ان کی ہلاکت کی تصدیق یا تردید نہیں کی۔
واضح رہے کہ گزشتہ برس امریکی ڈرون حملے کے نتیجے میں حکیم اللہ محسود کی ہلاکت کے بعد عصمت اللہ شاہین بیٹنی نے نئے امیر کے تقرر تک تحریک طالبان پاکستان کی مرکزی شوری کے امیر کی حیثیت سے خدمات سرانجام دیں تھیں۔

واضح رہے کے عصمت اللہ شاہین حکومتی مذاکراتی کمیٹی کے حامی تھے