شہید ڈاکٹر محمد علی نقوی نے بلاامتیاز انسانیت کی خدمت کی، اطہر عمران
امامیہ اسٹوڈنٹس آرگنائزیزیشن پاکستان کے مرکزی صدر اطہر عمران نے اپنے ایک بیان میں کہا ہے کہ شہید ڈاکٹر محمد علی نقوی نے یونیورسیٹیز اور کالجز میں طلبہ کے حقوق کی خاطر ملک گیر تنظیم آئی ایس او کی بنیاد رکھی جو تاحال ملک بھر میں طلبہ کے حقوق کی آواز کو بلند کئے ہوئے ہے۔ انہوں نے مزید کہا کہ ڈاکٹر شہید محمد علی نقوی نے بلاامتیاز انسانیت کی خدمت کی جس کی کوئی مثال نہیں ملتی، ڈاکٹر شہید محمد علی نقوی نے گلگت سے لے کر سندھ بلوچستان کے دوردراز مقامات پر جا کر اسلام اور تعلیم کی اہمیت پر بات کی اور ان کو یونیورسیٹیز اور کالجوں کی راہ دکھائی۔ انہوں نے مزید کہا آئی ایس او اپنے ملک کے اس محسن کی 19ویں برسی جو کہ 8-9 مارچ کو علی رضا آباد لاہور میں ہونے جا رہی ہے کے موقع پر اپنے حلف کو دہرائے گی اور ایک نئے عزم و ولولے کیساتھ تعلیم و تربیت کا ایجنڈا لیکر ملک کے گوش و کنار میں وارد ہو کر نوجوان نسل کی نظریاتی و تعلیمی میدان میں عملی طور پر کام کرے گی۔