مقبوضہ فلسطین
صہیونی فوجیوں کے ہاتھوں فلسطینی نوجوان کی شہادت
فلسطین کی خود مختار انتظامیہ نے ایک فلسطینی نوجوان کو شہید کرنے کے صیہونی حکومت کے اقدام کی شدید مذمت کی ہے۔ فلسطین کی خود مختار انتظامیہ کے سربراہ محمود عباس نے آج ایک بیان میں کہا ہے کہ صیہونی حکومت کے اس قسم کے اقدامات، ناقابل قبول ہیں۔ غاصب صیہونی حکومت کے فوجیوں نے غرب اردن کے شہر رام اللہ میں فائرنگ کرکے ایک پندرہ سالہ فلسطینی نوجوان کو شہید کردیا۔اس بیان میں کہا گيا ہے کہ صیہونی حکومت اس قسم کے اقدامات اور فلسطینی علاقوں پر حملے کرکے فلسطین اور اسرائیل کے درمیان سمجھوتے میں رکاوٹ کھڑی کررہی ہے۔