غاصب صہیونی ریاست، ایٹم بم کے حامل ہونے کا دعویٰ

غاصب صہیونی ریاست کے سابق وزیر اعظم گلڈامایر کے معاون ارنون عزرا نے عربی چینلز کو دیئے گئے انٹرویو میں دعویٰ کیا ہے کہ غاصب صہیونی ریاست سن 1973 میں مصر کے خلاف ایٹم بم کے استعمال کا ارادہ رکھتی تھی۔ عزرا نے گفتگو کرتے ہوئے کہا کہ اس وقت کے آرمی چیف موشہ دایان نے جنگ کے بحرانی حالات کے پیش نظر وزیر اعظم سے درخواست کی تھی کہ وہ مصر کے خلاف ایٹم بم کے استعمال کی اجازت دیں لیکن اس مشورے کی سختی سے مخالفت کی گئی تھی۔ واضح رہے کہ ستائیس سال پہلے غاصب صہیونی ریاست کے ایٹمی ادارے کے سابق متخصص مردخائی وانونو نے یہ راز فاش کیا تھا کہ غاصب صہیونی فوج کے پاس اس وقت دو سو سے زیادہ ایٹمی وار ہیڈز موجود ہیں.