صہیونی ریاست فلسطین کا تیل اور گیس چرالیتی ہے، فلسطینی وزیر کا انتباہ

فلسطین میں آپاراٹائیڈ دیوار اور شہروں کی تعمیر کے وزیر ماہر غانم نے صہیونی حکومت پر فلسطینیوں کے تیل اور گیس کو چوری کرنے کا الزم لگایا ہے۔
انہوں نے اس بارے کہا ہے کہ صہیونی حکومت گزشتہ دوسالوں سے رام اللہ کے گاوں”رانٹس” کے میگادہ نامی تیل کے کنویں سے فلسطین کا تیل چوری کر رہی ہے۔
غانم نے مزید کہا ہے کہ "میگادہ ” نامی تیل کے کنویں کا زیادہ ترحصہ مقبوضہ فلسطین میں چلا گیا ہے اور صہیونی ریاست نے ۲۰۱۱ء کو اس کنویں سے تیل نکانے کا اقدام کیا تھا جبکہ اس نے ۱۹۹۲ء سے اس کنویں کے نیچے سرنگیں کھودنے کا آغاز کر رکھا ہے۔
ماہرین کے بقول میگاد نامی کنویں میں تقریبا ایک ارب پچاس کروڑ بیرل تیل ذخیرہ ہے۔
قابل ذکر ہے کہ صہیونی ریاست فلسطین کے آبی ذخائر کو چوری کرنے اور غزہ کی پٹی میں قدرتی گیس کے ذخائر پر بھی قبضہ کرنے کا ارادہ رکھتی ہے۔
ماہرغانم کے بقول فلسطینیوں کے اپنے ذخائر پر حق کوپامال نہیں ہونا چاہیے اور صہیونی حکوت کو چاہیے کہ وہ فلسطینی قدرتی دخائر پر قبضہ کرنے کی وجہ سے ہر جانہ ادا کرے۔