مقبوضہ فلسطین
فلسطینی قیدیوں پر صہیونی فوجیوں کا تشدد
مقبوضہ فلسطین کے جنوب میں واقع ریمون جیل میں صہیونی ریاست کے فوجیوں کے حملے میں آٹھ فلسطینی زخمی ہوگئے ہیں ۔
صہیونی فوجیوں نے آج ریمون جیل پر حملہ کر کے فلسطینیوں کی جامہ تلاشی لی اور ان سے بازپرس کی – اس دوران صہیونی فوجیوں نے فلسطینی قیدیوں پر تشدد کرکے آٹھ فلسطینیوں کو زخمی کردیا ۔ صہیونی فوجیوں نے اس حملے کے ساتھ ہی فلسطینی قیدیوں کوانفرادی بیرکوں میں بند کرکے جیل کا پانی بند اور بجلی کاٹ دی ۔
دوسری جانب صہیونی ریاست کے فوجیوں نے غرب اردن میں نابلس شہر میں حملہ کرکے تین فلسطینیوں کو اغوا کر کے نامعلوم مقام پر منتقل کردیا ۔ اسرائیلی فوجی ہر روز غرب اردن کے مختلف علاقوں پر حملہ کر کے دسیوں فلسطینیوں کو اغوا کر لیتے ہیں ۔
اس وقت تقریبا پانچ ہزار فلسطینی صہیونی حکومت کی جیلوں میں بدترین حالات میں قید و بند کی صعوبتیں برداشت کر رہے ہیں ۔