داعش ، عراقی سماج کی تقسیم کے درپے

اقوام متحدہ کے جنرل سکریٹری بان کی مون نے عراق میں داعش دہشتگرد گروہ کے ہاتھوں عام شہریوں کے قتل عام کی مذمت کی ہے۔
فرانس پریس کی رپورٹ کے مطابق بان کی مون نے آج بروز جمعہ ایک پیغام میں داعش دہشتگرد گروہ پر عراقی سماج کی تقسیم کاالزام لگایا۔
بان کی مون نے اپنے ان بیان میں اس بات کی جانب اشارہ کرتے ہوئے کہ امن و برداشت تمام اصلی ادیان میں اہمیت کا حامل ہے، عراق کی صورت حال پرتشویش ظاہرکی۔
اقوام متحدہ کے سکریٹری جنرل نے کہا کہ کسی فرد یا قوم کو تشخص یااپنے عقائد کی بنا پرموت یا جلاوطنی کی سزا نہيں دی جانی چاہئے۔
اس رپورٹ کے مطابق اقوام متحدہ میں انسانی حقوق کی ہائي کمشنر ناوی پلئی نے اپنی حالیہ رپورٹ میں داعش کے ہاتھوں اقلیتوں پر ڈھائے جانے والے مظالم کو انسانیت دشمن جرائم سے تعبیرکیا۔