حزب اللہ کا میزائل حملہ، صہیونی علاقوں میں آتشزدگی

شیعیت نیوز:لبنانی مقاومتی تنظیم حزب اللہ نے صہیونی تنصیبات اور قصبوں پر میزائل حملہ کیا ہے۔

سرحدی قصب مارگلیوت پر میزائل حملے کے نتیجے میں صہیونی فوجی افسران کا بیرک تباہ ہو گیا۔

حزب اللہ نے ایک بیان میں کہا ہے کہ تنظیم کے جوانوں نے کفر شوبا کو رواں ہفتے کے اندر دوسری مرتبہ میزائل حملوں کا نشانہ بنایا ہے۔

یہ بھی پڑھیں:حزب اللہ اور القسام بریگیڈ کے صیہونی فوجی ہیڈ کوارٹر پر میزائل حملے

گذشتہ دنوں اسرائیل نے حزب اللہ کے اعلی کمانڈر کو شہید کردیا تھا۔

تنظیم نے جوابی کارروائی کرتے ہوئے صہیونی فوجی مراکز اور تنصیبات پر 200 سے زائد میزائل اور راکٹ داغے ہیں۔

حزب اللہ کی مرکزی کونسل کے رکن ہاشم صفی الدین نے کہا ہے کہ شیخ محمد النعمہ کا ہر حال میں بدلہ لیا جائے گا۔