عبداللہ عبداللہ نے مسترد ووٹوں کی جائزہ کمیٹی سے باہر نکلنے کی دھمکی دی
فرانس پریس کی رپورٹ کے مطابق عبداللہ عبداللہ کی انتخابی کمیٹی کے ایک اہم رکن فاضل احمد مناوی نے منگل کے دن اعلان کیا ہے کہ وہ جعلی ووٹوں کو مسترد کئے جانے کے بارے میں عبداللہ عبداللہ کی درخواست مسترد کئےجانے کی صورت میں جائزہ کمیٹی سے نکل جائيں گے۔ واضح رہے کہ افغانستان کے صدارتی انتخابات اس وقت تنازعے کا شکار ہوگئے جب صدارتی امیدوار عبداللہ عبداللہ نے دوسرے دور کے انتخابات میں اشرف غنی احمدزئی کی پیشقدمی کو قبول کرنے سے انکار کردیا۔ اور انتخابات میں بڑے پیمانے پردھاندلی پرمبنی ثبوت وشواہد پیش کرتے ہوئے متوازی حکومت تشکیل دینے کی دھمکی دی۔ کئی دور کے مذاکرات کے بعد دونوں صدارتی امیدواروں نے قومی حکومت تشکیل دینے پراتفاق کرلیا ہے۔ فاضل احمد مناوی نے کہا کہ اگر بدھ تک عبداللہ عبداللہ کی تجویز پر عمل درآمد کردیا گيا تو وہ مسترد ووٹوں کی جائزہ کمیٹی میں کام جاری رکھیں گے ورنہ بصورت دیگر وہ اس کمیٹی سے خارج ہوجائيں گے