امریکہ کے سب سے بڑے شہرنیو یورک میں اسرائیل کے خلاف مظاہرے
26 جولائی, 2014 10:51
امریکہ کے سب سے بڑے شہر نیویورک میں گزشتہ دو ہفتوں کے دوران یہ چوتھی مرتبہ جرائم پیشہ اسرائیل کے خلاف اور غزہ کے مظلوم عوام کی حمایت میں مظاہرہ کیا گیا ہے۔
یہ مظاہرے نیویورک کے ٹائم اسکوائر پر نکالے گئےاور مظاہرین نے فلسطین کے پرچم اور شہیدوں کے فوٹوں ہاتھوں میں لے کر نعرے لگائے کہ فلسطین کو آزاد کیا جائے غزہ کو آزاد کیا جائے۔
امریکہ کے شہریوں نے امریکی حکومت سے مطالبہ کیا کہ وہ اسرائیل کی کسی بھی قسم کی حمایت چھوڑ دے۔
فلسطین کی حمایت اور اسرائیل کے خلاف نیویورک میں نکالی گئی ریلیوں میں امریکہ کے رہنے والے یہودی بھی شامل تھے۔
ایک یہودی نے میڈیا سے کہا: میں نیویورک کی رہنے والی اور یہودی ہوں لیکن میں اسرائیل اور امریکہ کے جرائم سے شرم محسوس کرتی ہوں۔
