ہندوستان میں برہموس میزائل کا کامیاب تجربہ

ہندوستان نے برہموس میزائل کا کامیاب تجربہ کیا ہے

دہلی سے ہمارے نمائندے کی رپورٹ کےمطابق منگل کو ہندوستان نے برہموس سپرسینیک کروز میزا‏ئل کا کامیاب تجربہ کیا۔
برہموس میزائل کا تجربہ بھنیشورسے دوسوتیس کلومیٹردور بالا سور ضلع کے چاندی پورمیں واقع سائٹ سے کیاگیا۔
برہموس تین سوکلوگرام وزنی وارہیڈز کے ساتھ دو سونوے کلومیٹرکے فاصلے تک مارکرنے کی صلاحیت رکھتا ہے۔ برہموس میزائل کی رفتار امریکی سبسونیک ٹام ھاک کروز میزا‏ئل سے تین گنا زيادہ ہے۔ جس کے باعث برہموس دنیا کا سب سے تیز کروز میزائل بن گیا ہے۔