دنیا
سعودی عرب کی پالیسیوں پر ایک ہندوستانی رہنما کی تنقید
جماعت اسلامی ہند کے رہنما جلال الدین عمری نے مصر کی اخوان المسلمین کو دہشتگرد گروہ قرار دینے سے متعلق سعودی عرب کے اقدام پر کڑی تنقید کی ہے۔ انھوں نے آج ایک بیان میں مصر کی اخوان المسلمین کو مصر اور دنیائے عرب میں ایک موثر تحریک قرار دیا اور تاکید کے ساتھ کہا کہ سعودی عرب کی پالیسیاں، پورے عالم اسلام کیلئے تشویش کا باعث بنی ہوئی ہیں۔ جلال الدین عمری نے سعودی عرب کی اس قسم کی پالیسیوں پر تشویش کا اظہار کرتے ہوئے کہا کہ جماعت اسلامی ہند، سعودی عرب سے اس بات کا مطالبہ کرتے ہے کہ وہ اپنی پالیسیوں پر نظر ثانی کرتے ہوئے ایسی پالیسیاں وضع کرے جو مسلمانوں کے مفادات کی ضمانت فراہم کرسکیں۔ جماعت اسلامی ہند کے رہنما نے کہا کہ مصر میں اخوان المسلمین، الیکشن کی بنیاد پر اقتدار میں آئی تھی۔ انھوں نے مصر کی موجودہ صورت حال کو بھی تنقید کا نشانہ بنایا۔