سعودی عرب کے بادشاہ کا دورۂ مصر
21 جون, 2014 09:10
سعودی عرب کے بادشاہ عبداللہ بن عبدالعزیز نے قاہرہ میں مصر کے نئے صدر عبدالفتاح سیسی سے ملاقات اور مذاکرات کۓ ہیں۔
ارنا نے فرانس پریس کے حوالے سے رپورٹ دی ہے کہ شاہ عبداللہ اور عبدالفتاح سیسی کے درمیان قاہرہ ایئرپورٹ میں جمعہ کی رات کو ملاقات انجام پائي۔ واضح رہےکہ مصر کےسابق صدر حسنی مبارک کی حکومت کی سرنگونی کے بعد شاہ عبداللہ کا یہ مصر کا پہلا دورہ ہے۔ سعودی عرب مصر کی موجودہ حکومت کا سب سے بڑا علاقائی حامی ہے اور اس نے گزشتہ برس اس ملک کے منتخب صدر محمد مرسی کی حکومت کے خلاف فوجی کودتا کی حمایت کی تھی۔
دریں اثناء قاہرہ کے شمال میں واقع المرج کے علاقے میں محمد مرسی کے حامیوں اور مخالفین کے درمیان ہونے والی جھڑپ میں دو افراد ہلاک ہوگۓ ہیں۔ مصر کی پولیس کا کہنا ہے کہ محمد مرسی کے حامیوں اور پولیس اہلکاروں کے درمیان بھی جھڑپ ہوئی جس کے نتیجے میں تین افراد زخمی ہوئے ہیں۔
