سعودی علاقے العوامیہ کے خلاف آل سعود کا پروپگنڈہ
آل سعود کے سرکاری میڈیا نے گذشتہ چند ہفتوں سے ایسی خبریں اور رپورٹیں نشر کی ہیں جن میں العوامیہ کے عوام کے پرامن مظاہروں کو شورش سے تعبیر کیا ہے اور ان مظاہروں کے حقائق کو توڑ مروڑ کر پیش کیا ہے۔ اس رپورٹ کے مطابق آل سعود کے پٹھو میڈیا نے شہر العوامیہ کے عوام کو القاعدہ دہشتگردوں کی طرح بتا یا ہے اور ان کے پرامن مظاہروں کو اپنی حکومت کے لئے بڑا خطرہ قراردیا ہے۔ واضح ہے شہر العوامیہ کے عوام آل سعود کی متصبانہ اور امتیازی پالیسیوں کے خلاف احتجاج کررہے ہیں۔ سعودی عرب کا مشرقی علاقہ تیل سے مالا مال علاقہ ہے لیکن آل سعود کی امتیازی پالیسیوں کی وجہ سے اسی علاقے میں سب سے زیادہ غربت اور محرومیت پائي جاتی ہے۔ ادھر اطلاعات ہیں کہ آل سعود کی حکومت مشرقی علاقوں میں آبادی کا تناسب بگاڑنے کےلئے ایک فوجی علاقہ تعمیر کرنا چاہتی ہے اس رپورٹ کے مطابق آل سعود احساء کے علاقے میں فوجی علاقہ قائم کرنے جارہی ہے اور یہ علاقہ تیرہ ملین مربع میٹر پر مشتمل ہوگا جس میں فوجی اڈے، رہائشی کالونیوں سمیت شہر کی ساری سہولتیں ہونگي۔ قابل ذکرہے سعودی عرب کے مشرقی علاقے میں اکثریت شیعہ مسلمانوں کی ہے فوجی علاقہ قائم کرنے کا مقصد بھی شیعہ مسلمانوں پر دباؤ ڈالنا ہے۔