سعودی عرب
تل ابیب میں صہیونی حکام سے آل سعود کے حکام کی ملاقات
آگاہ ذرائع نے فلسطین کے اخبار المنار سے گفتگو میں انکشاف کیا ہے کہ آل سعود کے دو عہدیداروں نے تل ابیب میں صہیونی وزیر جنگ سے ملاقات کی ہے۔ اس رپورٹ کے مطابق سعودی حکام اور صہیونی وزیر جنگ کے درمیان یہ ملاقات دو گھنٹوں تک جاری رہی اور انہوں نے ریاض تل ابیب تعلقات کو بہتر بنانے کے بارے میں تبادلہ خيال کیا۔ ادھر صہیونی ریاست کے ٹی وی چینل ٹو نے اعلان کیا ہے کہ گذشتہ ہفتوں کے دوران خلیج فارس کے عرب ملکوں کے مختلف حکام نے صہیونی حکام سے خفیہ ملاقاتیں کی ہیں۔ واضح رہے کہ اس سے قبل عراقی پارلیمنٹ کے ایک رکن محمد صھیود نے کہا تھا کہ سعودی عرب، علاقے کے ملکوں کے خلاف صہیونی سازشوں پر عمل کررہا ہے۔ انہوں نے کہا کہ علاقے میں بدامنی اور بحران، نیز مغربی اور عرب ملکوں کے حمایت یافتہ دہشتگردوں کے جرائم، صیہونی سازشوں کانتیجہ ہیں۔