سعودی فورسز نے العوامیہ میں متعدد گاڑیوں اور گھروں کا آگ لگا دی۔

اطلاعات کے مطابق سعودی عرب کے مشرقی شہر العوامیہ میں ایک آپریشن کے دوران سعودی فورسز نے انسانی حقوق کے سر گرم کارکن عباس علی محمد ال مزرعہ کی گرفتاری کے لئے کئے گئے آپریشن کے دوران متعدد گاڑیوں اور گھروں کو آگ لگا دی۔
اس واقعہ میں ایک شخص کے زخمی ہونے کی اطلاع موصول ہوئی ہے۔
عباس علی المزرعہ ان 23 سعودی رہنماوں میں سے ایک ہیں جن کو سعودی وزارت داخلہ نے العوامیہ اور قطیف میں حکومت مخالف مظاہروں کے انعقاد کی وجہ سے اشتہاری قرار دیا ہوا ہے۔
ابھی تک یہ معلوم نہیں ہو سکا ہے کہ عباس علی کو گرفتار کر لیا گیا ہے یا نہیں۔
سعودی عرب میں سن 2011 سے حکومت مخالف مظاہروں کا سلسلہ جاری ہے۔ مظاہرین کا مطالبہ ہے کہ ملک میں آزادی اظہار اور سیاسی اصلاحات کی جائیں اور ان تمام بے گناہ قیدیوں کو رہا کیا جائے جن کو گذشتہ ۱۶ سالوں کے دوران کسی نہ کسی بہانے سے قید کیا گیا ہے۔
سعودی عرب میں مظاہروں پر پابندی لگا دی گئی ہے اور اناسنی حقوق کی تنظیموں کے مطابق سعودی جیلوں میں اس وقت 300000 سے زائد سیاسی قیدی موجود ہیں۔