سعودیہ میں شیعہ مسلمانوں کی مجالس عزا منعقد کرنے کے جرم میں گرفتاری
17 فروری, 2010 04:23
سعودی عرب کے سیکورٹی اہلکاروں نے مذہبی پروگرام کرنےکے الزام میں پچیس سعودی شہریوں کو گرفتارکرلیاہے۔ شیعت نیوز کے نمائندے کے مطابق الراصداخبار نے اپنی سائٹ پر رپورٹ دی ہے کہ گرفتار ہونےوالے پچیس شیعہ مسلمانوں میں اکثرجوان اورنوجوان طالب علم ہیں ۔جن پر سیدالشہدا کا چہلم منانے اور پیغمبراسلام (ص) کی رحلت کی مناسبت سے مجالس عزا برپا کرنے کا الزام ہے۔تکفیریت سے متاثر سعودی حکومت نےانسانی حقوق کی تنظیموں کے انتباہات کوکوئی اہمیت دیئے بغیر، شیعہ مسلمانوں کےعلاقوں میں دسیوں مسجدوں ، امامبارگاہوں اورمدرسوں کوتالہ لگادیاہے۔ رپورٹ کےمطابق مذہبی پروگرام اورمجالس عزا منعقدکرنے کی وجہ سے سعودی عرب کے شیعہ شہریوں کی گرفتاری کاسلسلہ جاری ہے۔
