بحرین، آیۃ اللہ سیستانی کے نمائندے کے اخراج پر جاری ردعمل
بحرین کی تحریک حق نے عراق کے نامور مرجع تقلید آیۃ اللہ سیستانی کے نمائندے کے اخراج پر شدید ردعمل کا اظہار کرتے ہوئے تاکید کےساتھ کہا ہے کہ بحرین میں آل خلیفہ حکومت کی جارحانہ پالیسیوں کا سلسلہ بدستور جاری ہے۔ بحرین کی تحریک حق نے اپنے ایک بیان میں عراق کے نامور مرجع تقلید آیۃ اللہ سیستانی کے نمائندے کے اخراج پر کڑی تنقید کرتے ہوئے کہا ہے کہ بحرین میں قومی اتحاد کو نقصان پہنچانے کیلئے بحرینی قوم کے خلاف قبائلی ظلم کا سلسلہ ختم نہیں ہوا ہے۔ اس بیان میں بحرین میں آل خلیفہ حکومت کے مظالم کے مقابلے میں عالمی اداروں کی خاموشی پر کڑی تنقید کرتے ہوئے اقوام متحدہ اور دیگر بین الاقوامی اداروں سے مطالبہ کیا گيا ہے کہ وہ بحرینی عوام کے خلاف آل خلیفہ حکومت کی جارحانہ پالیسیوں کے مقابلے میں اپنی ذمہ داریوں کا مظاہرہ کرتے ہوئے موثر اقدامات عمل میں لائیں۔