امريکا کي طرف سے بحرين ميں فوج روانگي کي تصديق
العالم ٹيلي ويژن کے مطابق امريکي فوج کي انجينيئرنگ کور کے کمانڈر کيٹ برنٹ نے دعوي کيا ہے کہ امريکي فوجيوں کو بحرين ميں امن کے قيام سميت متعدد اہداف کے لئے تيار کرديا گيا ہے-
ايک امريکي اخبار کے مطابق امريکي نيشنل گارڈ نے انجينرنگ کور کے ايک سو بيس فوجيوں اور ملٹري پوليس کے ايک سو چاليس اہلکاروں کو بحرين روانہ کرديا ہے-
بحرين ميں گزشتہ ايک سال سے عوامي انقلاب کي تحريک جاري ہے اور لوگ ملک ميں جمہوريت کے قيام اور سماجي اور سياسي آزادي کے حصول کے لئے جدوجہد کر رہے ہيں- بحرين کي شاہي حکومت سعودي عرب کے فوجيوں کي پشتپناہي سے عوامي انقلاب کي تحريک کو کچلنے کي کوشش کررہي ہے-
ذرائع ابلاغ کي بعض خـبروں ميں اس بات کا انکشاف کيا گيا ہے کہ حکومت بحرين امريکي اسلحہ اور جنگي سازوسامان سے ملک ميں جاري مظاہروں ميں شريک لوگوں پر حملے کر رہي ہے-
خبروں کے مطابق مظايرن کو منتشر کرنے کے لئے استعمال ہونے والي زہريلي آنسو گيس بھي امريکہ فراہم کر رہا ہے-
ادھر امريکي ايوان نمائندگان کے ايک رکن ڈان برٹن نے بحريني حکومت سے مطالبہ کيا ہے کہ وہ مظاہرين کے خلاف کوئي رعايت برتنے کے بجائے انہيں سختي کے ساتھ کچل ڈالے- برٹن نے مظاہرين کے خلاف زہريلي گيسوں کے استعمال کا جواز پيش کرتے ہوئے کہا کہ تشدد کے خاتمے کے لئے يہ گيس استعمال کي جارہي ہے-
