![](media/k2/itemss/srcc/039197782c85d15a1f843e48242074c4.jpg)
![shiitenews_Bahrain_king](images/stories/shiitenews_Bahrain_king.jpg)
بحرین میں عوامی تحریک میں تیزی آنے کےبعد بحرین کے بادشاہ نے اپنے ملک کا سیاسی بحران حل کرنے کےلۓ ایران سے مدد کی اپیل کی ہے۔پریس ٹی وی کی رپورٹ کے مطابق بحرین کے بادشاہ حمد بن عیسی آل خلیفہ نے بحرین کی اعلی کونسل
برائے اسلامی امور کے اراکین سےملاقات میں کہا ہےکہ بحرین اسلامی جمہوریہ ایران کے ساتھ دوستانہ تعلقات کا خواہاں ہے اور چاہتاہےکہ ایران بحرین کے سیاسی بحرین کو حل کرنےمیں مدد کرے۔ یادرہے ملت بحرین چودہ فروری سے اپنے حقوق کا مطالبہ کررہی ہے ۔ ملت بحرین آل خلیفہ کی استبدادی اور ظالم حکومت کی سرنگونی کی خواہاں ہے۔ بحرینی حکومت نے عوامی مظاہروں اور احتجاج کو کچلنے کےلئے سعودی عرب کی فوجی امداد کے سہارے دسیوں افراد کو شہید اور ہزاروں کوگرفتار کیا ہے۔ اسلامی جمہوریہ ایران نے علاقائي ملکوں میں امن و استحکام کی ضرورت پرتاکید کرتےہوئے آل خلیفہ اور آل سعود کے ہاتھوں ملت بحرین کی سرکوبی کی مذمت کی ہے اور کہا ہےکہ عوام کے مطالبات پورے کۓ جائيں ۔