دہشتگردی سے مقابلہ، عالمی برادری عراق کی مدد کرے
05 اگست, 2014 11:04
عراق کی پارلیمنٹ میں ڈپٹی اسپیکر نے عالمی برادری سے اپیل کی ہے کہ دہشتگردی کے خلاف جنگ میں عراق کی مدد کی جائے۔ عراقی المسلہ نیوز ویب سائٹ کی آج کی رپورٹ کے مطابق حیدر العبادی نے ملت عراق کے خلاف بعثی و داعشی دہشتگردوں کے منظم جرائم اور وحشیانہ اقدامات کی طرف اشارہ کرتے ہوئے کہا کہ عراق دنیا کی طرف سے دہشتگردوں کے خلاف جنگ میں مصروف ہے اور عالمی برادری، دہشتگردوں کے حامی ممالک کو سزا دینے کے لئے اپنی ذمہ داریوں پر عمل کرے۔ العبادی نے مزید کہا کہ تکفیری دہشتگرد عراق کے حصے بخرے کرنے کے لئے غیرملکی منصوبوں پر عمل پیراہیں اور اس ہدف کو حاصل کرنے کے لئے وہ ملت عراق کا قتل عام کررہے ہیں حتیٰ عراق میں موجود اقلیتیں بھی داعش کے ظلم و ستم سے محفوظ نہیں ہیں ۔
