عراقی پارلیمنٹ نےنوری مالکی کی کابینہ کومنظوری دیدی

عراق کی پارلیمنٹ نے تمام بڑے سیاسی گروپوں پر مشتمل حکومت کی توثیق کر دی ہے ۔پارلیمان کے ایک خصوصی اجلاس میں اراکین پارلیمنٹ نے وزیر اعظم نوری المالکی کی طرف سے نامزد انتیس وزراء کی منظوری دی۔

سیاسی تعطل کے ختم ہونے کے بعد اس بات پر شکوک و شبہات ظاہر کیے جا رہے ہیں کہ آیا یہ گروپ ساتھ مل کر کام کر سکیں گے یا نہیں۔تاہم کابینہ کے اہم قلمدانوں کے لیے جن میں داخلہ، دفاع اور قومی سلامتی شامل ہیں،  اختلافات کی وجہ سے کوئی نامزدگی نہیں کی جا سکی۔