عراقی وزیر اعظم نے ایک بار پھر تاکید کی ہے کہ عراقی سیکورٹی فورسز اپنے ملک کی سیکورٹی کا انتظام سنبھالنے پر قادر ہیں
پریس ٹی وی کی رپورٹ کے مطابق نوری مالکی نے کل امریکہ کے آرمی چیف مائيکل مولن سے ملاقات میں عراق سے امریکی فوجیوں کے انخلاء سے متعلق بغداد واشنگٹن سیکورٹی معاہدے پر عمل درآمد کۓ جانے پر تاکید کی ۔ عراقی وزیر اعظم نے مائیکل مولن سے ملاقات میں ، کہ جو عراق میں
موجود امریکی فوجیوں سے ملاقات کے بہانے اچانک بغداد پہنچے ہیں ، اس بات پر زور دیا کہ دونوں ملکوں کے درمیان طے پانے والا معاہدہ بدستور برقرار ہے ۔ واضح رہے کہ سنہ دو ہزار آٹھ میں امریکہ اور عراق کے درمیان طے پانے والے سیکورٹی معاہدے کی رو سے واشنگٹن سنہ دو ہزار گیارہ کے آخر تک اپنے فوجی عراق سے نکالنے کا پابند ہے۔
