نجف اشرف میں زائرین کی بسوں پرحملہ متعدد شہید وزخمی

عراق کے مقدس شہرنجف اشرف میں چارایرانی زائرشہید ہوگئےہیں۔ شیعت نیوز کے نمائندے کی رپورٹ کےمطابق نجف اشرف میں امیرالمومنین حضرت علی (ع) کے حرم مطہر کے نزدیک ایرانی زائرین کی دوبسوں کے پاس ہونےوالے کاربم دھماکے میں سینتیس ایرانی زائرین سمیت چون افراد زخمی بھی ہوئےہیں۔اسی طرح جمعہ کی رات میں نامعلوم مسلح افراد نے شمالی عراق میں واقع جنوبی کرکوک میں عام شہریوں پر اندھادھند فائرنگ شروع کردی جس کے نتیجے میں کم ازکم سات شہری زخمی ہوگئے۔کل حلہ کے مضافات میں بھی ایک انتخابی حلقے میں ہونےوالے بم دھماکےمیں ایک عراقی بچہ ہلاک ہوگیا۔واضح رہے کہ غاصب فوجی تکفیریوں اورکالعدم بعث پارٹی کے عناصرکو دہشتگردانہ کاروائیوں کےلئے استعمال کرتےہیں اوراس طرح پارلمیانی انتخابات میں وسیع پیمانےپرعوام کی شرکت کوروکناچاہتے ہیں۔عراق کے پارلیمانی انتخابات اتوار کو ہورہےہیں۔اور غیر ملکی طاقتیں (امریکہ،اسرائیل،سعودی عرب و دیگر)عراق میں بد امنی پھیلانے کے لئے سر گرم عمل ہیں۔