ایران
صہیونی حملے جاری رہے تو منہ توڑ جواب دیا جائے گا
اسلامی جمہوریہ ایران کے نائب وزیر خارجہ حسین امیر عبداللھیان نے کہا ہے کہ جنگ بندی کی خلاف ورزی اور غزہ پٹی پر صیہونی حکومت کے حملے جاری رہنے کی صورت میں فلسطینی مجاہدین اس حکومت کو منہ توڑ جواب دیں گے۔ حسین امیر عبداللھیان نے ، کہ جو جرمنی کے نائب وزیر خارجہ کی دعوت پر برلن کے دورے پر ہیں، مزید کہاکہ صیہونیوں نے غزہ پر حملے اور غزہ میں نہتے لوگوں پر مظالم کر کے اسٹریٹیجک غلطی کا ارتکاب کیا ہے۔ حسین امیر عبداللھیان نے اس بات کو بیان کرتے ہوئے ، کہ ثابت ہوچکا ہے کہ غزہ کی صورتحال اور فلسطینی مجاہدین کے وسائل کے بارے میں صیہونیوں کی اطلاعات بہت ناقص ہیں، کہا کہ صیہونیوں نے جنگ کو اپنے کنٹرول میں کرنے کے لۓ عام شہریوں اور سول تنصیبات پر فوری حملے شروع کردیۓ جو کہ ایک اسٹریٹیجک غلطی تھی۔