دورۂ عراق کے ملتوی ہونے کی وجہ جلال طالبانی کی علالت ہے

اسلامی جمہوریہ ایران کے صدر جناب ڈاکٹر محمود احمدی نژاد نے کہا ہے کہ انھوں نے اپنا دورۂ عراق اس ملک کے صدر جلال طالبانی کے علیل ہونے کی وجہ سے ملتوی کیا ہے ۔ صدر مملکت جناب ڈاکٹر محمود احمدی نژاد نے یہ اعلان آج تہران میں نامہ نگاروں سے گفتگو کرتے ہوئے کیا۔ ایران کے صدر اس ہفتے ایک وفد کے ساتھہ عراق کا دورہ کرنے والے تھے ۔ واضح رہے کہ عراق کے صدر جلال طالبانی گذشتہ ہفتے پیر کے روز برین ہیمبریج کی بناء پر بغداد کے اسپتال میں داخل ہوئے جنھیں پھر طبی ٹیم کی صلاح پر علاج و معالجے کیلئے جرمنی منتقل کردیا گیا ۔