یمن کے خلاف سعودی-صہیونی گٹھ جوڑ مزید گہرا، انٹیلی جنس شیئرنگ اور خفیہ فوجی تعاون

شیعیت نیوز : یمن کے خلاف مسلط کردہ جنگ میں متجاوز سعودی رجیم اور غاصب صہیونی ریاست (اسرائیل) کے درمیان خفیہ فوجی تعاون، انٹیلی جنس شیئرنگ اور نجی فوجی روابط میں خطرناک حد تک اضافہ ہو گیا ہے۔ ‘شیرپوسٹ’ کے حالیہ تجزیے کے مطابق، باضابطہ اور رسمی سفارتی تعلقات نہ ہونے کے باوجود، دونوں فریق یمنی مسلح افواج کی پیش قدمی روکنے اور بحیرہ احمر میں اپنے مفادات کے تحفظ کے لیے تیزی سے ایک مشترکہ تزویراتی صف بندی کی جانب بڑھ رہے ہیں۔

تجزیاتی رپورٹ میں صہیونی پبلک براڈکاسٹر ‘کان’ کے حوالے سے انکشاف کیا گیا ہے کہ اسرائیل نے یمن کے اندر حملوں کے لیے سعودی رجیم کو اہداف (ٹارگٹ بینک) کی نشاندہی میں باقاعدہ انٹیلی جنس معاونت فراہم کرنا شروع کر دی ہے۔ اس کے علاوہ ‘ایکسیوس’ (Axios) کی رپورٹ کے مطابق، جرمنی میں امریکی سینٹرل کمانڈ (سینٹکام) کی زیر نگرانی ایک نجی فوجی اجتماع میں سعودی اور صہیونی فوجی عہدیداروں نے ایران اور یمن پر مشترکہ لائحہ عمل مرتب کیا۔ اسی گٹھ جوڑ کے تسلسل میں صہیونی چینل 14 نے تہلکہ خیز انکشاف کیا ہے کہ جنگی مجرم نیتن یاہو نے 27 ستمبر کو ابوظہبی کے دورے کے دوران ایک اعلیٰ سعودی نمائندے سے اہم خفیہ ملاقات بھی کی ہے۔

یہ بھی پڑھیں : آبنائے ہرمز مکمل طور پر ایران کے کنٹرول میں ہے، جنرل علی فدوی

اس مجرمانہ فوجی ہم آہنگی کے نتیجے میں یمن کے شہری علاقوں پر سعودی بمباری میں مزید شدت آ گئی ہے۔ سعودی جارحیت کا نشانہ مسلسل بازار، اسکول، اسپتال، ہوائی اڈے اور پانی و خوراک کے ذخائر بن رہے ہیں۔ حالیہ حملوں میں تعز کے ایک عوامی بازار میں کم از کم 7 شہری شہید ہوئے، جبکہ الموخا بندرگاہ کے قریب رہائشی عمارتوں پر بمباری سے 6 بے گناہ افراد جان کی بازی ہار گئے۔ دراصل یمن کے مغربی ساحل اور باب المندب کے اسٹریٹجک علاقے پر یمنی مسلح افواج کا بڑھتا ہوا کنٹرول سعودی اور اسرائیلی مفادات کے لیے سب سے بڑا خطرہ بن چکا ہے۔

اپنی اس بوکھلاہٹ، میدان جنگ میں ناکامی اور جنگی جرائم پر پردہ ڈالنے کے لیے متجاوز سعودی رجیم نے اپنے تنخواہ دار اور جنونی نظریات کے حامل درباری علماء اور میڈیا کو میدان میں اتار دیا ہے۔ یہ عناصر اپنے فرقہ وارانہ بیانیے کے ذریعے مادرِ وطن کی آزادی کے خواہاں انصاراللہ اور یمنی عوام کو نشانہ بنا رہے ہیں، تاکہ اس ظالمانہ جنگ کے لیے حمایت حاصل کی جا سکے۔