جنوبی لبنان کی آزادی اور شہریوں کی واپسی ریاستی ترجیحات کا حصہ ہونی چاہیے، شیخ علی دعموش

شیعیت نیوز : حزب اللہ لبنان کی ایگزیکٹو کونسل کے سربراہ حجت الاسلام والمسلمین شیخ علی دعموش نے بیروت کے جنوبی مضافاتی علاقے میں اسکاؤٹ گروپوں کے ایک پروقار اجتماع سے خطاب کرتے ہوئے معاشرے کی تعمیر و ترقی اور نوجوان نسل کی تربیت میں اسکاؤٹ گروپوں کے کلیدی کردار کی اہمیت پر زور دیا ہے۔

یہ بھی پڑھیں : آئی ایس او پاکستان کے مرکزی صدر سید امین شیرازی کی سکردو میں علمائے کرام سے اہم ملاقات

حجت الاسلام شیخ علی دعموش نے جنوبی لبنان کی کشیدہ صورتحال اور دشمن کی مسلسل جارحیت کی جانب اشارہ کرتے ہوئے واضح کیا کہ غاصبانہ قبضے کے تسلسل اور لبنانی حکومت کی جانب سے اپنی بنیادی ذمہ داریاں ادا کرنے میں ناکامی کے پیشِ نظر، مادرِ وطن کے دفاع اور مزاحمت سے وابستگی کا راستہ پوری قوت اور استقامت کے ساتھ بدستور جاری رہے گا۔

حزب اللہ کے سینئر رہنما نے لبنانی حکام اور فیصلہ سازوں سے اپنے طرزِ عمل پر سنجیدگی سے نظرثانی کا پرزور مطالبہ کیا۔ انہوں نے اس بات پر سختی سے زور دیا کہ جنوبی لبنان کی مکمل آزادی اور غاصبانہ جارحیت کے باعث بے گھر ہونے والے شہریوں کی اپنے علاقوں میں باعزت و محفوظ واپسی کا مسئلہ ملک کے بنیادی اور اولین مسائل میں سرفہرست ہونا چاہیے۔