عراقی ہوائی اڈوں پر ایرانی طیاروں کی لینڈنگ پر پابندی؛ شیعہ کوآرڈینیشن فریم ورک کا اہم اجلاس آج طلب

شیعیت نیوز : عراق کے شیعہ سیاسی گروہوں پر مشتمل کوآرڈینیشن فریم ورک آج رات ملک کے تمام ہوائی اڈوں پر ایرانی طیاروں کی لینڈنگ پر عائد پابندی کے معاملے کا جائزہ لے گا۔ ایک باخبر سیاسی ذریعے کے مطابق، کوآرڈینیشن فریم ورک کے رہنما آج رات عراقی وزیر اعظم علی الزیدی کی موجودگی میں ایک اہم اجلاس کریں گے، جس میں ایرانی طیاروں پر پابندی کے فیصلے اور اس کے ہمہ جہت نتائج پر تفصیلی تبادلہ خیال کیا جائے گا۔

ذرائع کے مطابق اجلاس میں عراقی حکومت کی جانب سے اس فیصلے کے لیے پیش کی گئی وجوہات، بغداد اور تہران کے تعلقات پر اس کے اثرات اور پابندی کے بعد سامنے آنے والے سیاسی و عوامی مؤقف پر غور کیا جائے گا۔ کوآرڈینیشن فریم ورک کے رہنما مختلف سیاسی، عوامی اور مسلح گروہوں کی جانب سے اس فیصلے کی مخالفت، سیاسی کشیدگی میں اضافے اور ممکنہ عوامی احتجاج کے آغاز جیسے نتائج کا بھی جائزہ لیں گے تاکہ سفارتی ذرائع سے اثرات کو کم کیا جا سکے۔

یہ بھی پڑھیں : ایران پر امریکی و صیہونی جارحیت میں یورپی اڈوں کا استعمال عالمی قوانین کی کھلی خلاف ورزی ہے، اقوام متحدہ میں ایرانی سفیر کا خط

اس اہم اجلاس کا بنیادی مقصد آئندہ مرحلے میں اس معاملے سے نمٹنے کے لیے ایک مشترکہ مؤقف تک پہنچنا ہے۔ اجلاس میں اس بات کا جائزہ لیا جائے گا کہ آیا کوآرڈینیشن فریم ورک موجودہ اقدامات کے تسلسل کی حمایت کرے گا یا پھر دونوں برادر ممالک کے مفادات اور عراقی ہوا بازی کے شعبے پر پڑنے والے اثرات کو مدنظر رکھتے ہوئے، اس مسئلے کے حل کے لیے کوئی سیاسی اور سفارتی راستہ اختیار کرے گا۔