سپاہ نے ٹرمپ کے خفیہ مذاکرات کے دعوے کو مسترد کر دیا، ایران مضبوط تر ہو کر ابھرا

شیعیت نیوز : سپاہ پاسداران کے ترجمان سردار محبی نے دہشتگرد امریکی صدر ڈونلڈ ٹرمپ کے خفیہ مذاکرات کے دعوے کو سختی سے مسترد کرتے ہوئے کہا کہ یہ محض ٹرمپ کی شکست اور بے بسی سے پیدا ہونے والی خیال پردازی ہے اور اس وقت سپاہ اور وزارت خارجہ کی طرف سے امریکیوں کے ساتھ کوئی مذاکرات نہیں ہو رہے۔ انہوں نے ٹرمپ کو مشورہ دیا کہ وہ اپنی خیال پردازی چھوڑ کر شکست قبول کریں اور ایران کی شرائط پر عمل کریں۔

یہ بھی پڑھیں: سپاہ پاسداران کے نئے کمانڈروں کا جارحانہ دفاعی طریقہ کار

سپاہ کے نائب کمانڈر جنرل ایزدی نے کہا کہ ایران نے دہشتگرد امریکی حکومت اور دہشتگرد اسرائیلی رجیم کے خلاف نہ صرف تقسیم ہونے سے انکار کیا بلکہ مضبوط تر ہو کر ابھرا۔ فضائیہ کے کمانڈر نے مجاہدین کے ساتھ ملاقات میں کہا کہ انہوں نے اپنے شاگردوں کو عاشورائی جذبے سے جنگ لڑنے کی تعلیم دی۔ دوسری جانب ایران نے قطر سے تین لاپتہ پائلٹس کی حیثیت واضح کرنے کا مطالبہ کیا ہے، جبکہ وزیرِ مواصلات و شہر سازی نے جنگی حالات میں ریکارڈ توڑ ترسیل اور شاہراہوں و ریلوے کی بحالی کو یقینی بنانے کا دعویٰ کیا ہے۔