دی اٹلانٹک کا اعتراف: دہشتگرد ٹرمپ ایران کے مذاق کا نشانہ، شدید شرمندگی کا شکار

شیعیت نیوز : معروف امریکی جریدے دی اٹلانٹک نے اپنے ایک تجزیاتی مضمون میں کہا ہے کہ دہشتگرد ڈونلڈ ٹرمپ، جو کبھی بے باک رہنے والے صدر کے نام سے جانے جاتے تھے، اب ایران کے خلاف جنگ میں شدید شرمندگی کا شکار ہیں۔ مضمون کے مطابق کئی مہینوں سے ٹرمپ ایک اور طرح کی ہزیمت کا سامنا کر رہے ہیں: ایران کے سخت گیر رہنماؤں کی جانب سے مسلسل ان کا مذاق اڑایا جا رہا ہے اور انہیں نظر انداز کیا جا رہا ہے۔

ایران نے دہشتگرد ٹرمپ کی دھمکیوں کو بار بار نظر انداز کیا ہے اور امریکی صدر کی دھمکیوں اور ان پر عمل درآمد کرنے کی صلاحیت یا عزم کے درمیان فرق کو بھانپتے ہوئے، اس محاذ آرائی میں پہل اپنے ہاتھ میں لے لی ہے۔ مضمون کے مطابق اس ہفتے ایک بار پھر صدر شدید غصے میں نظر آئے جب ایران نے جنگ کے خاتمے کے لیے مذاکرات سے متعلق ان کے دعووں کی دوبارہ تردید کر دی۔

یہ بھی پڑھیں: ڈاکٹر ولایتی: خارجی افواج خطے سے نکل جائیں

دی اٹلانٹک نے لکھا کہ نتیجہ ایک ایسی صورتحال کی شکل میں نکلا ہے جہاں ٹرمپ کو اپنی دھمکیوں کا وقار برقرار رکھنے کے لیے یا تو جنگ کی قیمت بڑھانی ہوگی، یا پھر سیاسی پسپائی اختیار کرتے ہوئے جنگ سے نکلنے کا راستہ تلاش کرنا ہوگا۔ مضمون میں کہا گیا کہ ٹرمپ نے اس جنگ کو ذاتی نوعیت کا معاملہ بنا لیا ہے اور اب وہ تعطل کا شکار اس جنگ سے مکمل طور پر کنارہ کشی اختیار کر سکتے ہیں، تناؤ میں ڈرامائی اضافے کی دھمکی پر عمل کر سکتے ہیں، یا پھر اپنا غصہ ان امریکیوں پر نکال سکتے ہیں جو ان کی غلطیوں کی نشاندہی کرتے ہیں۔